"കത്തിത്തീരാറായ പകലിലേക്ക് ചിറകടിച്ചുയരുന്നുണ്ടൊരു മൗനം.
പുഞ്ചിരികളുടെ പ്രണയാസ്ത്രങ്ങളെന്നിലേക്കെറിഞ്ഞവള് മൗനത്തിന്റെ മറനീക്കിയപ്പോള് പ്രണയത്തിലേക്കായിരുന്നത്... അതെ ഞാനിന്ന് പ്രണയത്തിലാണ്."
'നീ ഒരു പെണ്ണിനെ സ്നേഹിച്ചിരുന്നു, അവള് നിന്നെയും...'
ചിതലുകള് തിന്നുതീരാറായ പുസ്തകത്താളിലെ എന്റെ കയ്യക്ഷരങ്ങളെന്നെ ഓര്മ്മപ്പെടുത്തുകയാണോ? ഓര്മ്മിപ്പിക്കുന്നതെന്തിന്? മറവിയുടെ മാറാലയ്ക്കപ്പുറത്തേയ്ക്ക് ആ ഓര്മ്മകള് നടന്നുപോയിട്ടുണ്ടോ?? ഒരിക്കലുമില്ലാ... നീയില്ലാത്ത ഒരുനിമിഷം പോലും ഞാന് ജീവിച്ചിട്ടില്ല പെണ്ണേ...
"നിന്നോടുള്ള പ്രണയത്തിലെ, ആ വേദനകളോടാണ് എനിക്കെന്നും പ്രിയം"
No comments:
Post a Comment